دنیا بھرکی طرح 19 جون کو پاکستان میں بھی فادرز ڈے منایا گیا

کراچی (انتخاب نیوز) دنیا بھرکی طرح 19جون کوپاکستان میں بھی فادرزڈے منایا گیا، فادرزڈے منانے کا مقصد والد کے رشتے کی اپنائیت اور انتھک محنت کوسلام پیش کرنا ہے۔رواں سال فادرز ڈے 19 جون کو منایا جارہا ہے جبکہ اس دن زندگی میں والد کی قربانیوں کا اعتراف کرتے ہوئے اس کے اثرات کو سراہا جاتا ہے تاہم بچوں کیلئے والد ہماری پہلی محبت اور ہمارے آئیڈیل ہوتے ہیں۔اس موقع پر دنیا بھر کی طرح پاکستان میں بھی بچے اپنے والد کو تحائف دے کر اپنی محبت کا اظہار کرتے ہیں۔والد کے رشتے کا نہ توکوئی متبادل ہوسکتا ہے اورنہ کوئی اتنی سختیاں جھیل سکتا ہے۔برنس روڈکے مشہور فریسکو چوک پربیٹھا مزدوری کا منتظر محمد خان بھی اپنی 4 بیٹیوں کیلئے سایہ دارشجرہے جس کے چہرے سے زندگی کی طویل مسافت عیاں ہے۔عمررسیدہ باپ مشکل حالات سے لڑنے کے بعد بھی کٹھن لمحات سے ہارا نہیں ایک تھیلا ہی باہمت باپ کا کل سامان سمیٹے ہے، محمد خان نے شکوہ کیاکہ عمررسیدہ ہونے کے باعث اکثرکام آکربھی لوٹ جاتا ہے۔محنت مزدوری کے انتظار میں شب و روز کاٹتا بوڑھا باپ ہرحال میں اپنی اولاد کی امیدوں کا مرکز رہنا چاہتا ہے۔خیال رہے فادرز ڈے پر والد کی ہماری زندگیوں کو بہتر اور آسان بنانے میں ان کی کوششوں کو تسلیم کیا جاتا ہے۔