پنجاب حکومت دوچاردنوں کی مہمان ہے، قمرزمان کائرہ

اسلام آباد(انتخاب نیوز) وزیراعظم کے مشیر برائے امورکشمیروگلگت بلتستان قمر زمان کائرہ نے کہا ہے کہ پنجاب حکومت دوچاردنوں کی مہمان ہے،فوج اور سیاستدانوں کی طرح عدلیہ کو بھی آئینی دائرہ کار میں رہنا ہے، اگر کوئی حدود سے تجاوز کرے گا تو اسے حدود میں رکھنے کے لیے کچھ فیصلے کرنا ہوں گے۔نجی ٹی وی سے گفتگو کرتے ہوئے قمر زمان کائرہ نے کہا کہ ہمیں کسی گورنر راج کی ضرورت نہیں اور نہ ہم لگانا چاہتے ہیں ، وفاقی حکومت نے گورنر راج کی کوئی دھمکی نہیں دی،تحریکِ انصاف نے رانا ثناءاللہ کا پنجاب میں داخلہ بند کرنے کا کہا تھا جس پر رانا ثنا اللہ نے کہا کہ اگر پنجاب میں ان کا داخلہ بند کرتے ہیں تو یہ جواز گورنر راج کے لیے کافی ہو گا۔انہوں نے کہا کہ جوڈیشل ریفارمزہمارے ایجنڈے کا حصہ ہے، یہ ہم آج نہیں کہہ رہے، جب حکومت آئی تھی تب بھی کہا تھا، فوج اور سیاستدانوں کی طرح عدلیہ کو بھی آئینی دائرہ کار میں رہنا ہے، اگر کوئی حدود سے تجاوز کرے گا تو اسے حدود میں رکھنے کے لیے کچھ فیصلے کرنا ہوں گے۔ا نہوں نے کہا کہ پنجاب کی حکومت دو چار دنوں کی مہمان ہے۔