عمران خان نااہلی ریفرنس،الیکشن کمیشن کی نظر میں عمران خان تا حال ایم این اے ہیں، چیف الیکشن کمشنر

اسلام آباد(انتخاب نیوز) توشہ خانہ کے معاملے عمران خان کی نا اہلی کے ریفرنس کی سماعت الیکشن کمیشن میں ہوئی جہاں عمران خان کے معاون وکیل نے کہا کہ عمران خان اب رکن اسمبلی نہیں رہے ، چیف الیکشن کمشنر نے کہا کہ الیکشن کمیشن کی نظر میں عمران تاحال ایم این اے ہیں۔عمران خان کی نا اہلی سے متعلق ریفرنس کی سماعت الیکشن کمیشن میں ہوئی ، عمران خان کے وکیل بیرسٹر علی ظفر مصروفیت کے باعث الیکشن کمیشن نہیں آ سکے ، معاون وکیل نے الیکشن کمیشن کو بتایا کہ عمران خان اب رکن اسمبلی نہیں رہے جس پر چیف الیکشن کمشنر نے کہا کہ قومی اسمبلی سیکرٹریٹ نے الیکشن کمیشن کو استعفیٰ منظور کر کے نہیں بھجوایا ، آپ اپنی مرضی کی تشریح نہ کریں، الیکشن کمیشن کی نظر میں عمران خان تاحال ایم این اے ہیں۔

یہ خبر بھی پڑھیں۔ اب بحالی کا کام شروع ہو گا،پاکستانی معیشت کو ریڈزون سے نکال لیا ہے ،احسن اقبال

جب تک سپیکر کی جانب سے استعفیٰ منظور کر کے نہ بھیجا تب تک رکن ڈی نوٹیفائی نہیں ہو سکتا۔الیکشن کمیشن نے پی ٹی آئی کے وکیل کو دستاویزات پیش کرنے کا کہا جس پر معاون وکیل نے کہا کہ ہمیں دستاویزات فراہم نہیں کی گئیں ، چیف الیکشن کمشنر نے کہا کہ تقاریر کیلئے میڈیا پر جائیں ، یہاں قانون پر بات کریں ، ہم نے 30 روز کے اندر کیس کا فیصلہ کرنا ہے۔