وزیراعظم آج سیلاب زدہ علاقے جعفرآباد کا دورہ کریں گے

کوئٹہ(انتخاب نیوز) وزیر اعظم شہباز شریف آج ضلع جعفر آباد کے سیلاب سے متاثرہ گاوں حاجی اللہ دینو کا دورہ کریں گے۔ ، آج شہباز شریف بلوچستان کے سیلاب زدہ علاقوں پہنچیں گے۔اس موقع پر چیف سیکرٹری بلوچستان اور ڈی جی پی ڈی ایم اے وزیر اعظم کو سیلاب متاثرین کی امداد اور تباہ شدہ انفراسٹرکچر کی بحالی کے لیے جاری کاوشوں پر بریفنگ دیں گے۔دورے کے دوران وزیر اعظم امدادی کاموں کا جائزہ لیں گے اور سیلاب زدگان کا احوال جاننے کے لیے ان سے ملاقات کریں گے، اس موقع پر شہباز شریف میڈیا نمائندگان سے بھی گفتگو کریں گے۔وزیراعظم شہباز شریف کی بلوچستان کے ضلع جعفرآباد میں سیلاب زدگان سے ملاقات کے بعد حفیظ آباد، گابی خان، قادر پور اور شکارپور کے سیلاب سے متاثرہ علاقوں کا فضائی دورہ کریں گے۔