پی ٹی آئی کارکنوں کا لندن میں نواز شریف کی رہائش گاہ کے سامنے احتجاج

لندن (انتخاب نیوز) تحریک انصاف کے کارکنوں نے لندن میں سابق وزیراعظم نواز شریف کی رہائش گاہ کے سامنے احتجاجی مظاہرہ کیا۔مظاہرین نے کہا کہ وزیر اعظم شہباز شریف نے غیر سرکاری دورے پر برطانیہ آکر پاکستان کے عوام کا پیسہ ضائع کیا، مفرور اسحاق ڈار کو وزیر خزانہ بنانے کا فیصلہ قابلِ مذمت ہے۔ شرکا ءنے کہا کہ پاکستان میں فوری طور پر منصفانہ اور شفاف الیکشن کروائے جائیں۔مظاہرین نے کہا کہ پی ٹی آئی کی حکومت پر مہنگائی کرنے کا الزام لگانے والے خود اس پر قابو پانے سے قاصر ہیں، کرپٹ سیاستدانوں کو برطانیہ میں چین نہیں لینے دیں گے۔