بلوچستان کے نوجوان تعلیم و ترقی کیلئے دستیاب مواقع سے فائدہ اٹھائیں،جنرل آصف غفور

تربت:کمانڈ ر12کور لیفٹیننٹ جنرل آصف غفور نے کہا ہے کہ نوجوان ملک کا قیمتی اثاثہ اور روشن مستقبل کے ضامن ہیں،بلوچستان کے نوجوان تعلیم و ترقی کے لئے دستیاب مواقع سے فائدہ اٹھائیں،تعلیم یافتہ نوجوان ملک کی ترقی میں اہم کردار کے حامل ہیں۔ یہ بات انہوں نے آئی جی ایف سی ساو¿تھ میجر جنرل کمال انور چودھری کے ہمراہ تربت یونیورسٹی کے دورے کے موقع پر گفتگو کر تے ہوئے کہی۔ تربت یونیورسٹی پہنچنے پر وائس چانسلر پروفیسر جان محمد، پرنسپل تربت میڈیکل کالج ڈاکٹر محمد افضل نے کمانڈر کا استقبال کیا۔ اس موقع پر دونوں جامعات کے اساتذہ کرام، فیکلٹی ممبران، ضلعی انتظامیہ اورطلباءو طالبات کی کثیر تعداد موجود تھی۔کورکمانڈر بلوچستان لیفٹیننٹ جنرل آصف غفور نے کہا کہ بلوچستان کے نوجوان خصوصاً مکران ڈویژن کے نوجوان انتہائی باصلاحیت اور محنتی ہیں اور انہیں اپنی توانائی تعلیم اورملکی خوشحالی کے حصول پر صرف کرنا ہوگی کیونکہ پاکستان کا مستقبل طلباءسے وابستہ ہے۔انہوں نے کہاکہ نوجوانوں کو اپنی تعلیم اور ترقی کے لئے دستیاب مواقعوں سے فائدہ اٹھانا چاہیے طلبا اور طالبات نے آزادانہ اپنی تعلیم، بلوچستان کے مسائل، سیکورٹی صورتحال اور اس سلسلے میں اپنی شکایات، محرومیوں اور مِسنگ پرسنز سے متعلق بات چیت کی۔ کمانڈر نے ہر سوال کا تفصیلاً جواب دیا۔ کمانڈر 12کور لیفٹیننٹ جنرل آصف غفور نے کہا کہ آپ کوئی بات اپنے دل میں مت رکھیں اس سے غلط فہمیاں پیدا ہوتی ہیں بلوچستان کے بہت سے مسائل رہے ہیں اور ابھی بھی ہیں۔ مگر پچھلے نزدیکی عرصہ میں تقریباً ہر مسل پر مثبت پیش رفت ہوئی ہے۔ اس سلسلے میں وفاق اور صوبہ دونوں نے بہت کام کیا ہے اور ان شااللہ یہ جاری رہے گا۔ آپ کا کام تعلیم پر توجہ اور کامیاب ہوتے ہوئے اپنا اپنے خاندان، اپنے صوبہ اور ملک پاکستان کا مستقبل مضبوط اور روشن کرنا ہے۔ اس سلسلے میں ادارے اپنا اور آپ اپنا کردار زمہ داری سے ادا کرتے رہیں۔ مِسنگ پرسنز سے متعلق انہوں نے کھل کر اظہار خیال کیا اور کمیشن کی کارکردگی سے بھی آگاہ کیا۔ میڈیکل کالج کے طلبا اور طالبات نے کالج کی پی ایم سی میں رجسٹریشن سے متعلق مطالبہ کیا۔ کمانڈر 12کورنے وعدہ کیا کہ وہ اس کو ضرور عملی جامہ پہنائیں گے۔ انہوں نے کہا کہ تعلیم یافتہ نوجوان ملک کی ترقی میں اہم کردار کے حامل ہیں۔ انہوں نے طلباءپر زور دیا کہ وہ قومی اتحاد اور ترقی میں اپنا مثبت کردار ادا کریں اور ملک کی آنیوالی قیادت کے لئے آگے بڑھیں کیونکہ طلباءہی ملک کے روشن مستقبل کے ضامن ہیں۔کمانڈر 12کور لیفٹیننٹ جنرل آصف غفور نے طلباءکو یقین دلایا کہ وہ یونیورسٹی کی تعمیر و ترقی میں ہر ممکن مدد فراہم کریں گے۔