عمران خان نے ملک کو بھنور میں پھنسا دیا، جلد پاکستان آرہا ہوں، نواز شریف

لندن (مانیٹرنگ ڈیسک) پاکستان مسلم لیگ (ن) کے قائد میاں نواز شریف نے جلد پاکستان آنے کا اعلان کر دیا۔ ذرائع کے مطابق نواز شریف نے اپنے بیان میں کہا کہ گزشتہ چار سال کے دوران عمران خان نے ملک کو بھنور میں پھنسا دیا، جلد پاکستان آرہا ہوں۔ سابق وزیراعظم میاں نواز شریف نے ن لیگی رہنماﺅں ڈاکٹر درشن لال، سائرہ افضل تارڑ، بلال فاروق تارڑ اور سلمیٰ بٹ سمیت دیگر رہنماﺅں سے ملاقات کی۔ اس موقع انہوں نے بات حیت کر تے ہوئے کہا کہ اسحاق ڈار پوری کوشش کر رہے ہیں کہ مہنگائی کم کریں، عوام کو جلد ریلیف ملے گا اور معاشی حالات بہتر ہوں گے۔ اس موقع پر ن لیگ کی مرکزی نائب صدر مریم نواز بھی موجود تھیں۔ میاں نواز شریف سے ن لیگی رہنماﺅں کی ہونے والی ملاقات میں ملک کی مجموعی سیاسی صورتحال پر تبادلہ خیال کیا گیا۔