ٹیکس مقدمات زیرالتوا ءہونے سے خزانے کے 2ہزار 582ارب روپے پھنس گئے

لاہور(آئی این پی)ملک کی مختلف عدالتوں میں ٹیکس سے متعلق مقدمات زیرالتوا ءہونے کے باعث قومی خزانے کے 2ہزار 582ارب روپے پھنسے ہوئے ہیں۔ایف بی آر کے مطابق ملک کی مختلف عدالتوں میں 88ہزار ٹیکس مقدمات زیرالتوا ءہیں اور ان مقدمات میں لگ بھگ 2ہزار 582ارب روپے کا ریونیو پھنسا ہوا ہے۔ایف بی آر نے بتایا ہے کہ ان لینڈ ریونیو سروس کے سب سے زیادہ 2333ارب کے مقدمات زیر التوا ءہیں، جبکہ کسٹمز سے متعلق 249ارب روپے کے مقدمات عدالتوں میں ہیں۔دستاویز کے مطابق سپریم کورٹ میں زیر التوا ئ4697مقدمات کی مالیت 108ارب روپے اور سب سے زیادہ 67ہزار ٹیکس مقدمات ایپلیٹ ٹریبونل میں ہیں۔