بلوچستان دھماکوں سے گونج اٹھا، ایک ہی روز میں 8 سے زائد بم حملے

کوئٹہ (انتخاب نیوز) بلوچستان دھماکوں سے گونج اٹھا، ایک ہی روز میں 8 سے زائد بم حملے۔ کوئٹہ سمیت بلوچستان کے مختلف علاقوں میں ایک ہی روز میں 8 سے زائد بم دھماکوں سے خوف و ہراس پھیل گیا۔ اتوار کو کوئٹہ میں تین جبکہ خضدار، حب، کوہلو، قلات، تربت میں ایک، ایک بم دھماکہ ہوا جس کے بعد شہریوں میں خوف وہراس پھیل گیا۔ واضح رہے کہ 25 دسمبر یوم جناح اور کرسمس پر صوبے بھر میں سیکورٹی کے بھرپور اقدامات کیے گئے تھے۔ علاوہ ازیں بلوچستان میں سیکورٹی آپریشن اور بم دھماکوں کے نتیجے میں 5 سے زائد سیکورٹی اہلکار جاں بحق جبکہ متعدد زخمی ہوئے، اس کے علاوہ دستی بم حملوں کے واقعات میں اہلکاروں سمیت درجنوں افراد زخمی ہوئے۔