امریکہ میں زندگی منجمد، برفانی طوفان کے باعث مختلف حادثات میں 70 افراد ہلاک

نیویارک (مانیٹرنگ ڈیسک) امریکہ میں جاری برفانی طوفان نے تباہی مچادی۔ شدید برفباری کے باعث مختلف حادثات میں 70 افراد ہلاک ہو گئے۔ خراب موسم کے باعث امریکا بھر میں ایک لاکھ 22 ہزار گھروں کو بجلی کی فراہمی معطل ہوگئی۔میڈیارپورٹس کے مطابق امریکہ میں برفانی طوفان کے باعث نظام زنگی معطل ہوگیا ہے۔ جبکہ مختلف حادثات میں اموات کی تعداد 70 تک جاپہنچی ہے۔ امریکی میڈیا کا کہنا ہے کہ خراب موسم کے باعث امریکا بھر میں ایک لاکھ 22 ہزار گھروں کو بجلی کی فراہمی معطل ہوگئی۔ نیویارک کے مغربی علاقے 4 فٹ برف تلے دبے ہیں۔ نیویارک کے شہر بفلو میں لوگوں کو گھروں میں رہنے کی ہدایت جاری کی گئی۔امریکی میڈیا کے مطابق نیویارک کے مغربی علاقوں مزید 9 انچ برف پڑنے کا امکان ہے، مغربی نیویارک میں درجہ حرارت منفی 2 سے منفی 6 ڈگری تک رہنے کا امکان ہے۔