عسکریت پسندی کے خلاف دفاع کرنا پاکستان کا حق ہے، امریکہ
واشنگٹن (مانیٹرنگ ڈیسک)امریکی محکمہ خارجہ کے ترجمان نیڈ پرائس نے کہا ہے کہعسکریت پسندی کے خلاف دفاع کرنا پاکستان کا حق ہے، افغان حکام افغان سرزمین کو عالمی تخریب کار حملوں کیلئے لانچنگ پیڈ کے طورپر استعمال نہ ہونے دیں۔امریکی محکمہ خارجہ کے ترجمان نیڈ پرائس نے پریس بریفنگ میں کہا کہ پاکستانی عوام نے تخریب کار حملوں کے باعث شدید نقصان اٹھایا ہے۔عسکریت پسندی کے خلاف دفاع کرنا پاکستان کا حق ہے۔ترجمان کا مزید کہنا تھا کہ فغان حکام کو کہیں گے کہ وہ اپنے وعدوں کو پورا کریں اور افغان سرزمین کو عالمی تخریب کار حملوں کے لیے لانچنگ پیڈ کے طورپر استعمال نہ ہونے دیں۔ افغان حکام کے کئے گئے فیصلوں کا جائزہ لے رہے ہیں اور پہلے بھی واضح کرچکے ہیں کہ ان کا جواب دیا جائے گا۔ترجمان نے کہا کہ افغان عوام کی بہتری کیلئے پر عزم ہیں، افغان حکام وعدے پورے نہیں کر رہے ، افغانستان میں این جی اوز اور خاص طور پر خواتین کو کام کرنے کی اجازت دینی چاہیے۔ انہوں نے مزید کہا کہ امریکا اور اتحادی کے فیصلوں پر رد عمل دیں، جی سیون اور دیگر ممالک بھی تشویش کا اظہار کر چکے ہیں۔
