چین نے امریکہ کو تائیوانی صدر سے ملاقات کی صورت میں جنگ کی دھمکی دیدی

بیجنگ (مانیٹرنگ ڈیسک)چین نے امریکہ کو تائیوانی صدر سے ملاقات کی صورت میں جنگ کی دھمکی دیدی، تائیوان کی صدر سائی انگ وین کا اگلے ماہ امریکہ کے دورے کا امکان ہے۔چین کے تائیوان امور کی نگرانی کرنیوالے دفتر کی جانب سے کہا گیا ہے کہ تائیوانی صدر نے اگر امریکی ایوان کے سپیکر میک کارتھی سے ملاقات کی تو یہ انتہائی اشتعال انگیز اقدام اور ون چائنہ اصول کی خلاف ورزی ہو گی، اس سے چین کی سالمیت اور علاقائی خودمختاری کو نقصان پہنچے گا۔واضح رہے کہ تائیوانی صدر سائی انگ وین اگلے ماہ وسطی امریکی ممالک گوئٹے مالا اور بیلز کا دورہ کر رہی ہیں، اس دوران ان کا امریکہ جانے کا بھی امکان ہے جس پر چین نے سخت ردعمل دیتے ہوئے جنگ کی دھمکی دی ہے۔