سبی میں زوردار دھماکہ

کوئٹہ :سبی کے علاقے میں دھماکے کے نتیجے میں 2 افراد زخمی ہوگئے جب کہ گاڑی کا اگلا حصہ تباہ ہوگیا تفصیلات کے مطابق گزشتہ روز سبی کے علاقے ناڑی گاج روڈ پر نا معلوم افراد کی جانب سے نصب کیا گیا دھماکہ خیز مواد زور دار دھماکے سے پھٹ گیا جس کے نتیجے میں گاڑی میں سوار افراد محمد حسن اور مجید زخمی ہوگئے جب کہ دھماکے سے گاڑی کا اگلا حصہ مکمل طور پر تباہ ہوگیا واقعہ کی اطلاع ملتے ہی مقامی انتظامیہ نے موقع پر پہنچ کر علاقے کو گھیرے میں لے لیا اور زخمیوں کو ہسپتال منتقل کر دیا مزید کارروائی سبی انتظامیہ کر رہی ہے