ون ڈے کرکٹ، پاکستان نے نیوزی لینڈ کو 26 رنز سے شکست دیکر سیریز اپنے نام کرلی

کراچی (انتخاب نیوز) پاکستان نے نیوزی لینڈ کو 26 رنز سے شکست دے کر سیریز اپنے نام کر لی۔ نیشنل اسٹیڈیم کراچی میں کھیلے گئے ایک روزہ سیریز کے تیسرے میچ میں نیوزی لینڈ نے 50 ویں اوور میں 261 رنز بنا کر آو¿ٹ ہوگئی۔ نیوزی لینڈ کی جانب سے ٹام بلنڈل 65 رنز بنا کر آو¿ٹ ہوئے۔ انٹرنیشنل کرکٹ کا ڈیبیو کرنے والے کول میک کونک 64 رنز بنا کر ناقبلِ شکست پویلین لوٹے۔ کپتان ٹام لیتھم 45، ول ینگ 33، ڈیرل مچل 21 اور مارک چیپ مین 13 رنز بنا کر آو¿ٹ ہوئے۔ پاکستان کی جانب سے شاہین شاہ آفریدی، نسیم شاہ اور محمد وسیم نے 2، 2 جبکہ آغا سلمان نے 1 وکٹ حاصل کی۔ اس سے قبل پاکستان نے نیوزی لینڈ کی دعوت پر پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 287 رنز اسکور کیے۔ پاکستان کی جانب سے امام الحق 90 رنز بنا کر نمایاں رہے۔ کپتان بابر اعظم 54، محمد رضوان 32، آغا سلمان 31، عبداللہ شفیق اور فخر زمان 19، 19 رنز بنا کر آو¿ٹ ہوئے۔ محمد نواز اور شاداب خان رنز بنا کر ناٹ آو¿ٹ پویلین لوٹے۔ نیوزی لینڈ کی جانب سے میٹ ہینری نے 3، ایڈم ملن نے 2 اور کول میک کونکی نے 1 وکٹ حاصل کی۔