بلاول کا دورہ پاک بھارت تعلقات کی بحالی کی جانب مثبت قدم ہے، بھارتی میڈیا

نئی دہلی (مانیٹرنگ ڈیسک) بھارتی میڈیا نے وزیر خارجہ بلاول بھٹو کی شنگھائی تعاون تنظیم کے وزرائے خارجہ کے اجلاس میں شرکت کو پاک بھارت تعلقات کی بحالی کی جانب مثبت قدم قرار دیا ہے۔ خیال رہے کہ شنگھائی تعاون تنظیم کے وزرائے خارجہ کا اجلاس آج سے بھارت کے شہر گوا میں ہو رہا ہے جس میں پاکستان کی جانب سے وزیر خارجہ بلاول بھٹو زرداری شریک ہیں۔ بھارتی میڈیا میں وزیر خارجہ بلاول بھٹو کے دورے کو نمایاں جگہ دی جارہی ہے اور بھارتی میڈیا نے بلاول بھٹو کی شنگھائی تعاون تنظیم کے وزرائے خارجہ کے اجلاس میں شرکت کو پاک بھارت تعلقات کی بحالی کی جانب سے مثبت قدم قرار دیا ہے۔ دوسری جانب بھارتی وزیر دفاع راج ناتھ سنگھ نے کہا ہے کہ شنگھائی تعاون تنظیم کے اجلاس کا میزبان ملک تمام رکن ممالک کو دعوت دینے کا پابند ہے۔