برطانیہ میں اشیا ضروریہ کی قیمتیں 40 سال کی بلند ترین سطح پر

لندن(صباح نیوز) برطانیہ میں سبزی کی قیمتیں چالیس سال کی بلند ترین سطح پر پہنچ گئیں۔ برطانوی میڈیا کے مطابق سال کے آغاز سے اب تک سبزیوں کی قیمتوں میں مجموعی طور پر ستر فیصد اضافہ ہوا ہے۔ برطانوی میڈیا کے مطابق آلو کی قیمتوں میں 60 اور گاجر کی قیمت میں 37.5 فیصد اضافہ ہوا ہے۔ حکام کے مطابق برطانیہ میں موسم کی خرابی کے باعث سپلائی چین متاثر ہوئی ہے۔ گزشتہ بارہ ماہ کے دوران زیتون کے تیل کی قیمت میں 46.4 فیصد اضافہ ہوا، جبکہ چینی کی قیمت 46.4 فیصد بڑھی۔ برطانوی ادارہ شماریات کے مطابق بارہ ماہ کے دوران انڈوں کی قیمتوں میں 37 فیصد جبکہ آٹے کی قیمت 30 فیصد اضافہ ہوا۔