امریکہ ،طوفان سے مختلف حادثات ،3افراد ہلاک ،متعدد زخمی

واشنگٹن(مانیٹرنگ ڈیسک)امریکہ میں طوفان کے باعث مختلف حادثات میں تین افراد ہلاک اور کئی زخمی ہوئے۔اوکلا ہوما میں چار، ٹیکساس میں دو اور مشی گن میں ایک بگولے نے تباہی مچائی ۔ اوہائیو اور فلوریڈا میں بھی طوفانی بگولوں کی اطلاعات ہیں۔ بگولے جہاں سے گزرے،تباہی کی داستان چھوڑ گئے۔ ہر شے تہس نہس کردی،گھروں کی چھتیں اڑ گئیں،درخت جڑوں سے اکھڑ گئے۔بگولوں سے بجلی کے کھمبے گرنے سے ٹریفک کا نظام درہم برہم ہوا، مواصلات کا نظام ٹھپ ہوگیا۔