اخلاقیات کا تقاضا ہے کہ صدر مستعفی ہوں، اسحاق ڈار

اسلام آباد(مانیٹرنگ ڈیسک) پاکستان مسلم لیگ ن کے رہنما سابق وزیر خزانہ اسحاق ڈار نے صدر مملکت سے ان کے حالیہ ٹوئیٹ پر مستعفی ہونے کا مطالبہ کر دیا۔سماجی رابطے کی ویب سائٹ ٹوئٹر (ایکس) پر اپنے پیغام میں ن لیگی رہنما اسحاق ڈار نے کہا کہ یہ بات ناقابل یقین ہے، اخلاقیات کا تقاضا ہے کہ صدر مستعفی ہوں، صدر موثر انداز میں دفتری کام کرنے میں ناکام رہے ہیں اللہ ہماری مدد کرے۔ان کا کہنا تھا کہ سرکاری امور فائلز کے ذریعہ پایہ تکمیل کو پہنچتے ہیں، عملدرآمد یقینی بنایا جاتا ہے، اس طرح کے بیانات مذاق اڑانے کے مترادف ہیں۔خیال رہے کہ صدر مملکت عارف علوی نے اپنے ٹوئٹ میں کہا ہے کہ میں اللہ کو گواہ بنا کر کہتا ہوں کہ میں نے آفیشل سیکریٹ ترمیمی بل 2023 اور پاکستان آرمی ترمیمی بل 2023 پر دستخط نہیں کیے کیونکہ میں ان قوانین سے متفق نہیں تھا۔