لبنانی فورسز نے اسرائیلی جاسوسی نیٹ ورک کے کارندے گرفتارکرلئے

بیروت(مانیٹرنگ ڈیسک) لبنانی سکیورٹی فورسز نے بیروت کے بین الاقوامی ہوائی اڈے پر اسرائیلی قابض فوج سے وابستہ ایک جاسوسی نیٹ ورک کے کچھ ارکان کو گرفتار کر لیا۔غیرملکی خبررساں ادارے کے مطابق سکیورٹی سروسز نے بیروت انٹرنیشنل ایئرپورٹ پر ایک اسرائیلی جاسوس نیٹ ورک کو گرفتار کرلیا۔میڈیا نے لبنان میں جنرل سکیورٹی کے ڈائریکٹر جنرل الیاس البیسری کے حوالے سے کہا کہ دو افراد نے ملک چھوڑنے کی کوشش کی اور ان سے پوچھ گچھ کے بعد یہ بات واضح ہو گئی کہ وہ ایک ایسے سیل کا حصہ ہیں جو لبنان کی سلامتی کے لئے خطرہ ہے۔البیسری نے وضاحت کی کہ اسرائیلی قابض جاسوسی نیٹ ورک کا مقابلہ کرنا لبنان میں سکیورٹی فورسز کی اولین ترجیح ہے۔انہوں نے نشاندہی کی کہ جاسوس سیل کو گرفتار کیا گیا اور سکیورٹی پروٹوکول کے مطابق سلوک کیا جائے گا۔