پی ٹی آئی کے دو سابق ارکان اسمبلی صبغت اللہ اور وزیرزادہ گرفتار

پشاور(صباح نیوز) پی ٹی آئی کے سابق ایم این اے صاحب زادہ صبغت اللہ اور سابق ایم پی اے وزیرزادہ کو 9 مئی کے واقعات پر پولیس نے گرفتار کرلیا۔ خیبر پختون خوا میں پی ٹی آئی کے ارکان اسمبلی کا پارٹی چھوڑنے یا انہیں گرفتار کیے جانے کا سلسلہ جاری ہے، جمعرات کوسابق ایم این اے صاحبزادہ صبغت اللہ اور سابق ایم پی اے وزیر زادہ کو گرفتار کرلیا گیا ہے۔پولیس کے مطابق دونوں رہنماﺅں کو مالاکنڈ صاحب آباد کی مقامی پولیس نے گرفتار کیا ہے، ان پر نومئی کے حوالے سے توڑ پھوڑ کے الزامات درج ہیں۔واضح رہے کہ آج ہی پاکستان تحریک انصاف کے دو رہنماں سابق ڈپٹی اسپیکر پنجاب اسمبلی واثق قیوم عباسی اور ٹیکسلا سے سابق صوبائی اسمبلی ملک تیمور مسعود نے سیاست چھوڑنے کا اعلان کیا ہے۔۔