جاپان میں ماتحت عملے کو ہراساں کرنے پر میجر جنرل کی تنزلی

ٹوکیو(صباح نیوز)جاپان میںماتحت عملے کو ہراساں کرنے پر سیلف ڈیفنس فورس کے میجر جنرل کولیفٹیننٹ کرنل بنا دیا گیا۔ غیر ملکی خبررساں ایجنسی کے مطابق ماتحت عملے کو ہراساں کرنے پر جاپان کے میجر جنرل کو لیفٹیننٹ کرنل بنا دیا گیا۔ جاپانی جنرل کے روئیے کے باعث 5ماتحت اہلکار ذہنی مسائل سے دوچار ہوئے تھے۔ میڈیا کی رپورٹس کے مطابق جاپانی سیلف ڈیفنس فورسز میں طاقت اور جنسی ہراسانی کے کیسز کی وجہ سے245 اہلکاروں کے خلاف کارروائیاں کی گئیں۔ گراؤنڈ سیلف ڈیفنس کے 166، میری ٹائم کے 36 اور ایئر ڈیفنس کے 26 اہلکاروں کے خلاف کارروائیاں کی گئیں۔