اسرائیلی فوج نے غزہ سے اپنے چار جنگی ڈویژنوں میں سے ایک کو واپس بلا لیا

تل ابیب (صباح نیوز) اسرائیلی فوج نے غزہ سے اپنے چار جنگی ڈویژنوں میں سے ایک کو واپس بلا لیا۔ٹائمز آف اسرائیل کے مطابق غزہ کی پٹی سے فوج کے 36 ویں ڈویژن کا انخلا اس کے منصوبوں کے فریم ورک میں آتا ہے جس میں حماس کے ساتھ طویل جنگ کے لیے افواج کی کارکردگی کو برقرار رکھنا ہے۔اخباری رپورٹ کے مطابق اس ڈویژن کی افواج ایک مختصر وقفہ لیں گی اور پھر دوبارہ تیاری کریں گی۔اس کے بعد فوج فیصلہ کرے گی کہ آیا اسے دوبارہ تعینات کرنا ہے یا نہیں اور اسے تازہ ترین تشخیص کی بنیاد پر کہاں تعینات کیا جائے گا۔اسرائیلی رپورٹس کے مطابق حالیہ مہینوں میں غزہ کی پٹی میں لڑائی میں 36ویں ڈویژن نے اہم کردار ادا کیا۔اسپیشل فورسز کے ساتھ اب بھی غزہ کی پٹی میں تین جنگی ڈویژن موجود ہیں، جو پورے غزہ میں لڑ رہے ہیں۔اسرائیل نے غرب اردن کی بگڑتی صورت حال کے پیش نظر غزہ سے ڈوڈیوان اسپیشل فورسز یونٹ کو مغربی کنارے منتقل کر دیا ہے۔گذشتہ دسمبرمیں اسرائیلی فوج نے غزہ کی پٹی سے گولانی بریگیڈ کو 60 دن کی لڑائی کے بعد واپس بلا لیا تھا، جس میں اسے بریگیڈ کی صفوں کو دوبارہ منظم کرنے کے الزامات کے تحت بھاری نقصان اٹھانا پڑا تھا۔اس نے اپنی صفوں کو دوبارہ منظم کرنے کے لیے غزہ کے شمال اور جنوب میں کام کرنے والی قابض فوج میں چھاتہ بردار بریگیڈ سے بٹالین کو بھی واپس لے لیا۔