بھارتی فضائیہ کا تیجس طیارہ راجستھان کے علاقے میں گر کر تباہ

نئی دہلی (مانیٹرنگ ڈیسک) بھارتی فضائیہ کا تیجس طیارہ دوران پرواز گر کر تباہ ہوگیا۔بھارتی میڈیا کے مطابق ریاست راجستھان کے علاقے جیسلمیر میں طیارہ گر کر تباہ ہوا۔بھارتی فضائیہ نے سماجی رابطے کے پلیٹ فارم ایکس پر جاری بیان میں کہا ہے کہ طیارہ تربیتی پرواز پر تھا، طیارہ گرنے سے قبل پائلٹ باحفاظت طیارے سے نکلنے میں کامیاب رہا۔واضح رہے کہ یہ حادثہ ایسے وقت پیش آیا ہے جب بھارتی ریاست راجستھان میں پوکھران فائرنگ رینج میں بھارتی افواج کی ’بھارت شکتی‘ نامی مشقیں جاری ہیں۔آج بھارتی وزیراعظم نریندر مودی نے بھی ان مشقوں کا معائنہ کیا۔ بھارتی وزیراعظم نے اس دوران تیجس طیارے کا مظاہرہ بھی دیکھا۔ خیال رہے کہ گزشتہ سال بھی راجستھان میں بھارتی فضائیہ کا لڑاکا طیارہ مشق کے دوران گر کر تباہ ہوا تھا۔ بھارتی میڈیا کے مطابق جولائی 2022ءمیں بھارتی فضائیہ کا لڑاکا طیارہ تباہ ہونے سے دو افراد ہلاک ہوئے تھے۔