کچے کے ڈاکوﺅں کے ہاتھوں اغوا 5بینک ملازمین گھر پہنچ گئے

کندھ کوٹ (آئی این پی ) انڈس ہائی سے ڈیڑھ ماہ قبل اغوا ہونے والے 5 بینک ملازمین گھر پہنچ گئے۔ تفصیلات کے مطابق ڈاکوں نے کندھ کوٹ انڈس ہائی سے ڈیڑھ ماہ قبل بینک کے 5 ملازمین کو اغوا کرلیا تھا، ڈاکوں نے مغویوں کی بازیابی کیلئے 80 لاکھ روپے تاوان مانگا تھا۔ تاہم اب پانچوں بینک ملازمین گھر پہنچ گئے ہیں، مغویوں کے اچانک گھر پہنچنے پر اہلخانہ خوشی اہل خانہ خوش ہیں لیکن پولیس تاحال لاعلم ہے۔ اہل خانہ کا کہنا تھا کہ اغوا کاروں نے انہیں فون کر کے مغویوں کی رہائی کے لیے 80 لاکھ روپے کا مطالبہ کیا تھا، ورثاکے سیاسی و قبائلی اثرو رسوخ کی وجہ سے بازیابی عمل میں آئی۔