کالعدم تنظیم کا کمانڈر افغانستان میں ہلاک

کنڑ(مانیٹرنگ ڈیسک)کالعدم تحریک طالبان پاکستان (ٹی ٹی پی) کا کمانڈر عبدالمنان عرف حکیم اللہ افغانستان میں ہلاک ہوگیا۔تفصیلات کے مطابق افغانستان کے صوبے کنڑ کے ضلع اسد آباد کے علاقے چاغا سرائے میں فائرنگ کے نتیجے میں عبد المنان عرف حکیم اللہ ہلاک ہوا۔ہلاک کمانڈر کالعدم ٹی ٹی پی ملاکنڈ شُوریٰ کا سابق ممبر جبکہ ملاکنڈ کے کمانڈر عظمت اللہ محسود (عظمت لالہ) ولی کا معاون اور باجوڑ میں کاروائیاں ترتیب دینے اور تخریب کاری کے مختلف سنگین کارروائیوں میں ملوث تھا۔اطلاعات کے مطابق اس کے علاوہ حکیم اللہ ٹارگٹ کلنگ، بارودی سرنگ کے دھماکے، چیک پوسٹوں پر فائرنگ اور بھتہ خوری کی کارروائیوں میں بھی ملوث تھا۔