ٹانک میں چھٹی پر گھر جانے والے تین ایف سی اہلکار اغوا کرلیے گئے

پشاور (انتخاب نیوز) خیبرپختونخوا کے ضلع ٹانک میں تھانہ گومل کی حدود کوٹ اعظم میں چھٹی پر گھر جانے والے ایف سی کے تین اہلکاروں کو نامعلوم مسلح افراد نے اغوا کرلیا۔ پولیس کے مطابق تین ایف سی اہلکار جوکہ علاقہ سرغر سے چھٹی پر اپنے گھر پرائیوٹ گاڑی میں جارہے تھے کہ کوٹ اعظم کے علاقے میں نامعلوم مسلح افراد نے گاڑی کو روک کر تینوں اہلکاروں کو اتارا اور اپنے ساتھ لے گئے۔ ڈی پی او ٹانک عبدالسلام خالد کے مطابق واقعے کی اطلاع ملتے ہی فوری طور پر پولیس اور سیکورٹی اداروں نے علاقے میں اغوا کاروں کے خلاف سرچ آپریشن شروع کردیا ہے۔