انڈین میڈیا نے بونڈی ساحل پر حملہ کرنے والے ساجد اکرم کے بھارتی شہری ہونے کا اعتراف کرلیا
سڈنی (مانیٹرنگ ڈیسک) بھارتی میڈیا نے آسٹریلیا کے شہر سڈنی کے بونڈی ساحل پر حملہ کرنے والے ساجد اکرم کے بھارتی شہری ہونے کا اعتراف کر لیا۔ بھارتی میڈیا کے مطابق حملہ آور ساجد اکرم 1998 میں بھارتی شہر حیدرآباد سے آسٹریلیا منتقل ہوا۔ بھارتی سیکورٹی اسٹیبلشمنٹ کے ذرائع نے بھارتی میڈیا سے گفتگو کرتے ہوئے بتایا کہ ساجد اکرم کا تعلق بھارتی ریاست تلنگانہ کے شہر حیدرآباد سے ہے۔ بھارتی میڈیا کے مطابق ساجد اکرم کا بیٹا نوید اکرم آسٹریلیا میں پیدا ہوا۔ یاد رہے کہ دو روز قبل بھارت کے شہر سڈنی کے بونڈی ساحل پر دو حملہ آوروں نے فائرنگ کی جس کے نتیجے میں ایک حملہ آور سمیت 16 افراد ہلاک اور 40 زخمی ہو گئے۔ بونڈی ساحل پر فائرنگ کے واقعے کے فوری بعد اسرائیلی میڈیا نے پاکستان کیخلاف پروپیگنڈا شروع کر دیا تھا اور اسرئیلی میڈیا کی دیکھا دیکھی بھارتی میڈیا نے بھی حملہ آوروں کو پاکستانی قرار دیدیا تھا۔ تاہم پہلے بین الاقوامی میڈیا نے حملہ آور کا تعلق بھارت سے بتایا اور پھر بھارتی میڈیا نے بھی اس بات کا اعتراف کرلیا۔
