کراچی میں مذہبی جماعت کی ریلی پر فائرنگ، 2 افراد جاں بحق، 9 زخمی، کئی گاڑیاں نذر آتش

کراچی (انتخاب نیوز) کراچی کے علاقے گولیمار میں مذہبی جماعت کی ریلی گزرنے پر تصادم۔ گولیمار میں مذہبی جماعت کی ریلی گزرنے پر ہوئی کشیدگی کے دوران فائرنگ سے دو افراد جاں بحق اور 9 زخمی ہوگئے جبکہ مشتعل افراد نے کئی گاڑیوں کو آگ لگادی۔ پولیس کے مطابق ایک مذہبی جماعت کی ریلی گولیمار کے علاقے سے گزر رہی تھی، جہاں پہلے سے ایک مذہبی جماعت کا کیمپ لگا تھا، فریقین میں نعرے بازی کے بعد کشیدگی بڑھی، پتھراﺅ ہوا جس کے بعد فائرنگ ہوئی۔ وزیر اعلیٰ سندھ مراد علی شاہ نے فائرنگ میں ملوث ملزمان کی فوری گرفتاری کا حکم دیا ہے اور شہریوں سے پر امن رہنے کی اپیل بھی کی ہے۔ وزیر داخلہ سندھ ضیا لنجار نے بھی آئی جی سندھ اور ایڈیشنل آئی جی سے رابطہ کیا اور پولیس کو امن و امان پر فوری قابو پانے کی ہدایت کردی۔