ٹرمپ پر فائرنگ ،مشتبہ حملہ آور کی شناخت ہوگئی، امریکی میڈیا کا دعویٰ

امریکی میڈیا کے مطابق سابق امریکی صدر ڈونلڈ ٹرمپ پر فائرنگ کرنے والے مشتبہ شخص کی شناخت ریان ویسلی راؤتھ کے نام سے ہوئی ہے جسے عینی شاہد کی طرف سے حکام کے ساتھ مشتبہ شخص کی گاڑی اور لائسنس پلیٹ شیئر کرنے کے بعد حراست میں لیا گیا۔غیر ملکی خبر رساں ادارے ’رائٹرز‘ کی رپورٹ کے مطابق سی این این، فاکس نیوز اور نیویارک ٹائمز نے نامعلوم قانون نافذ کرنے والے اداروں کا حوالہ دیتے ہوئے بتایا ہے کہ 58 سالہ مشتبہ شخص کی شناخت ریان ویسلے راؤتھ کے نام سے ہوئی ہے جو ہوائی کا مکین ہے۔اس واقعے کے حوالے سے حکام نے بتایا تھا کہ اتوار کو فلوریڈا کے پام بیچ میں ڈونلڈ ٹرمپ کے گولف کورس میں ایک بندوق بردار شخص نے ریپبلکن صدارتی امیدوار ڈونلڈ ٹرمپ کو قتل کرنے کی کوشش کی۔تاہم ایف بی آئی نے اس حوالے سے تبصرہ کرنے سے انکار کیا ہے جبکہ رائٹرز آزادنہ طور پر اس کی شناخت کرنے سے قاصر ہے۔سیکرٹ سروس ایجنٹ نے بتایا کہ جب یہ واقعہ پیش آیا تو وہ اس وقت ایجنٹ گولف کورس پر ڈونلڈ ٹرمپ کے ساتھ تھے جب انہیں پراپرٹی لائن کے قریب کچھ جھاڑیوں سے بندوق نظر آئی۔اس کے بعد متعدد ایجنٹوں نے بندوق بردار شخص پر گولیوں کے چار راؤنڈ فائر کیے لیکن وہ شخص اپنی ’اے کے 47‘ طرز کی رائفل، دیگر سامان گرا کر فرار ہونے میں کامیاب ہوگیا۔پام بیچ کاؤنٹی کے شیرف ریک بریڈشا نے بتایا کہ ایک گواہ مشتبہ بندوق بردار کی گاڑی اور لائسنس پلیٹ کی تصویر لینے میں کامیاب ہو گیا اور اس نے اسے حکام کے حوالے کردیا