ژوب میں اے ٹی ایف کی گاڑی پر مسلح افراد کاحملہ ، ایک اہلکار جاں بحق ،3زخمی

ژوب(مانیٹرنگ ڈیسک)ڈی آئی خان قومی شاہراہِ سلیازہ کے قریب اے ٹی ایف گاڑی پر مسلح افراد کے حملے میںایک اہلکار جاں بحق جبکہ تین زخمی ہوئے ہیں ،تفصیلات کے مطابق ژوب ڈی آئی خان قومی شاہراہِ سلیازہ کے قریب ژوب سے مانی خواہ جانے والی اے ٹی ایف فورس کی گاڑی پر نامعلوم مسلح افراد کی فائرنگ سے ایک اہلکار اسسٹنٹ سب انسپکٹر گوہر جاں بحق، جبکہ 3 اہلکار امیر محمد ، محمد شفیق اور نور الدین زخمی ہوگئے اطلاع ملتے ہی فورسز کی بھاری نفری جائے وقوعہ پر پہنچ گئیں جاں بحق اہلکار اور زخمیوں کو ٹراما سنٹر ژوب منتقل کر دیا۔ ٹراما سنٹر زرائع کے مطابق حملے میں دو شدید زخمیوں کو سی ایم ایچ منتقل کردیا گیاڈی آئی جی ڑوب رینج ، ایس پی ، اسسٹنٹ کمشنر ڑوب سمیت دیگر انتظامی افسران ہسپتال پہنچ گئے