تحریک انصاف اسرائیلی اخبار کے مضمون پر وضاحت پیش کرے،شیری رحمان کامطالبہ

اسلام آباد (آئی این پی)پاکستان پیپلز پارٹی کی سینیٹر شیری رحمان نے اسرائیلی اخبار یروشلم پوسٹ کے با نی پی ٹی آئی سے متعلق مضمون پر وضاحت پیش کرنے کا مطالبہ کردیا ۔اپنے بیان میں شیری رحمان نے کہا کہ اسرائیلی اخبار نے لکھا بانی پی ٹی آئی اسرائیل کے ساتھ معمول کے تعلقات چاہتے تھے۔شیری رحمان نے کہا کہ اسرائیلی لابی کے ساتھ بانی پی ٹی آئی کے تعلقات نئی بات نہیں۔ پی پی پی رہنما نے کہا کہ تحریک انصاف وضاحت دے کہ اسرائیل ان کا حامی کیوں ہے؟ اسرائیل کو کیوں یقین ہے کہ بانی پی ٹی آئی ہی اسرائیل سے متعلق عوامی رائے اور فوجی پالیسی بدل سکتے ہیں؟۔انہوں نے کہا کہ بانی پی ٹی آئی روز اڈیالہ جیل سے پیغام بھیجتے ہیں، ان دعوں کی بھی وضاحت کریں۔