اسرائیلی فوج کے پناہ گزینوں کے کیمپوں پر حملے، 28 فلسطینی جاں بحق

صیہونی فوج کی جانب سے غزہ پر حملے جاری ہیں جس کے نتیجے میں مزید 28 فلسطینی جاں بحق ہوگئے۔ میڈیا کے مطابق اسرائیلی فوج نے گزشتہ روز پہلے نصیرت مہاجرکیمپ میں پناہ گزینوں پربمباری کی جس کے بعد زخمیوں اور لاشوں کو العودہ اسپتال منتقل کیا گیا تو وہاں بھی بمباری کردی۔رپورٹ کے مطابق اسرائیلی حملوں میں 23 سے زائد افرادجاں بحق ہوگئے اور درجنوں زخمی ہوئے۔
میڈیا کے مطابق منگل کی صبح بھی اسرائیلی فوج نے غزہ شہر اور بیت حنون میں گھر وں پر حملے کیے جس کے نتیجے میں 5 افراد جاں بحق ہوگئے۔