مکہ مکرمہ ، خانہ کعبہ کی حدود حطیم میں نوافل ادائیگی کیلئے اوقات مقرر

مکہ مکرمہ (صباح نیوز) مکہ مکرمہ میں خانہ کعبہکی حدود حطیم میں نوافل ادائیگی کیلئے اوقات مقرر کردیئے گئے۔حطیم میں مرد حضرات کیلئے اوقات صبح 8 سے 11 بجے تک ہوں گے، خواتین کیلئے اوقات رات 8 سے صبح 2 بجے تک مختص کئے گئے ہیں۔انتظامیہ کا کہنا ہے کہ داخلہ مغربی دروازے سے اور اجازت کا دورانیہ 10 منٹ رہے گا، حطیم میں نفل ادائیگی اوقات کا مقصد رش کنٹرول کرنا ہے۔دوسری جانب سعودی عرب میں حرمین شریفین کی انتظامیہ نے زائرین کے سامان کی حفاظت کے لئے لاکرز پروگرام کے نئے منصوبے کو عملی شکل دینے کے لئے درخواستیں طلب کرلیں ۔