شمالی وزیرستان، فورسزنے پاک افغان سرحد پر 3 مشتبہ افراد کو ہلاک کردیا، آئی ایس پی آر

روالپنڈی (مانیٹر نگ ڈیسک) فورسز نے پاک افغان سرحد سے ایکمشتبہگروہ کی ملک میں دراندازی کی کوشش کو ناکام بناتے ہوئے 3مشتبہ کو ہلاک کردیا۔پاک فوج کے شعبہ تعلقات عامہ (آئی ایس پی آر) کی جانب سے جاری بیان میں بتایا کہ مشتبہ افراد کا ایک گروہ پاک افغان سرحد پر خیبر پختونخوا کے ضلع شمالی وزیرستان کے علاقے حسن خیل سے ملک میں داخل ہونے کی کوشش کر رہا تھا۔ترجمان پاک فوج کے مطابق سیکیورٹی فورسز نے موثر کارروائی میں 3 خوارج کو ہلاک کردیا۔آئی ایس پی آر نے کہا کہ پاکستان بار بار موثر بارڈر مینجمنٹ کے لیے کہہ چکا ہے، توقع ہے افغان عبوری حکومت اپنی سرزمین کو استعمال نہیں کرنے دےگی۔