نوجوان نے کزن کو قتل کرکے خودکشی کرلی

لاہور(آئی این پی)لاہور میں نوجوان نے کزن کو قتل کرکے خودکشی کرلی، ملزم کی فائرنگ سے ایک دوست زخمی ہے، امکان ہے کہ نشے کی زیادتی کے سبب ملزم نے فائرنگ کی۔پولیس کے مطابق واقعہ لاہور کے علاقے اقبال ٹائون میں پیش آیا، پولیس کے مطابق ملزم اور مقتول نشے کے عادی تھے اور شبہ ہے کہ ملزم محمد بن نوشاب نے نشے کی زیادتی کی وجہ سے فائرنگ کی۔پولیس کے مطابق تینوں نوجوان اکثر اکٹھے بیٹھ کر نشہ کرتے تھیم واقعے میں زخمی ہونے والے نوجوان حمزہ کے سر میں گولی لگی ہے جس کی حالت تشویش ناک ہے، حمزہ کی والدہ کی مدعیت میں واقعے کا مقدمہ درج کیا جائے گا، قتل کے بعد خود کشی کی حتمی وجوہات جاننے کے لیے مزید تفتیش جاری ہے۔