کوہلو میں عطائی لیڈی ڈاکٹر کی غفلت سے نومولود جاں بحق، ماں کی حالت نازک

کوہلو( آئی این پی ) مبینہ عطائی لیڈی ڈاکٹر کے ہاتھوں دوران ڈیلیوری غفلت سے نومولود بچہ جاں بحق پرائیوٹ کلینک کے لیڈی ڈاکٹر پر ایف آئی آر اور دو دفعہ یہ کلینک سیل کرنے کے بعد کھولا گیا جو انسانی جانوں سے کھیلا جارہا ہے تفصیلات کے مطابق کوہلو کے پرائیوٹ کلینک امیر میڈی کئیر ہسپتال میں عطائی ڈاکٹر کے ہاتھوں غفلت پر دوران ڈلیوری نومولود بچہ جاں بحق ماں زندگی اور موت کے کشمکش میں ہے محمد سلیم نے ایس ایچ او سٹی پولیس تھانہ کوہلو کو بتایا کہ اپنی بیوی کو چیک اپ کے لئے دو دن پہلے سیول ہسپتال لے گیا جہاں لیڈی ڈاکٹر نے بتایا کہ ڈلیوری میں تین دن رہتے ہیں دوسرے دن چیک اپ (الٹراساونڈ)کے لئے ماڈل ٹاون میں واقع امیر میڈی کئیر ہسپتال لے آیا تو لیڈی ڈاکٹر نے الٹرا ساونڈ کرنے کے بعد بتایا کہ ڈلیوری کی 3 گھنٹے رہتے ہیں دوران ڈلیوری عطائی لیڈی ڈاکٹر کی غفلت پرنومولود بچہ جاں بحق ہوگیا اور اس کی بیوی کی حالت بگڑ گئی اس حوالے سے ایس ایچ او سٹی تھانہ کوہلو سہراب خان کھیتران نے مقامی صحافی احمد مری کو بتایا کہ واقع کی صاف و شفاف تحقیات کے لئے کمیٹی تشکیل دی گئی ہے جس کی سربرائی خود کررہا ہوں انہوں نے کہا کہ لواحقین کسی پریشر یا دبامیں نہ آئے ان کو مکمل تحفظ اور انصاف دیا جائے گا کسی کو اجازت نہیں دی جائے گی کہ وہ لوگوں کی جانوں سے کھیلے اور قانون کی خلاف ورزی کرے واضح رہے کہ اس ہسپتال میں اس سے پہلے عطائی ڈاکٹر کے ہاتھوں کئی کیسز پہلے رپورٹ ہوئے ہیں ایک رپورٹ پر باقاعدگی سے ایف آئی آر ہوئی جبکہ یہ کلینک دو دفعہ سیل ہوچکا ہے بعض کیسزز رپورٹ ہی نہیں ہوئے ہیں دو دفعہ سیل ہونے کے بعد عطائی لیڈی ڈاکٹر نے ہسپتال کھولا ہوا ہے اور ضلعی انتظامیہ کی موجودگی میں انسانی جانوں سے سرعام کھیلا جارہا ہے۔