خضدار، زبردستی کے بیانات دلوا کر بلیک میل کرنے کی ناکام کوشش کی جا رہی ،اسما کی بازیابی تک دھرنا جاری رہے گا، لواحقین

خضدار(ویب ڈیسک)خضدارسے اغوا خاتون اسما کے لواحقین نے کہا کہ میری بہن کی ایک ویڈیو سوشل میڈیا پر میرے بہن کے اغوہ کاروں کی طرف سے جاری کی گئی ہے۔ اس ویڈیو کو میں اور بلوچ قوم مسترد کرتی ہے۔ اس میں کوئی شک نہیں کہ یہ بیان اغوہ کاروں نے زبردستی دلوائی ہے۔ ایسے زبردستی کے بیانات دلوا کر ہمیں بلیک میل کرنے کی ناکام کوشش کی جا رہی ہے۔ تاکہ ہم اپنے پرامن احتجاج سے دستبردار ہو جائیں۔ مزید یہ کہ عوام کی رائے جو کہ ہمارے حمایت میں ہے اس کو بدل دیا جائے۔ اس ویڈیو کے شیئر ہونے کے بعد انتظامیہ اور حکومت کے پاس یہ بہانہ نہیں بچا کہ مجرمان ٹریس نہیں ہو رہے۔ جس اکائونٹ یا کنٹکٹ نمبر سے سب سے پہلے یہ ویڈیو شئیر کی گئی ہے اس اکائونٹ یا کنٹیکٹ نمبر کی مدد سے بآسانی مجرموں پکڑا جا سکتا ہے۔ اس ویڈیو کے جاری ہونے کے باوجود بھی اگر حکومت مجرموں کو گرفتار نہیں کرتا اور میری بہن کو بازیاب نہیں کرتا تو میں سمجھتا ہوں کہ انتظامیہ جان بوجھ کر مجرموں کو چھوٹ دے رہی ہے۔یہاں میں ایک بار پھر دہراتا ہوں جب تک میری بہن کو بازیاب نہیں کیا جاتا اور مجروں کو کڑی سزا نہیں دی جاتی ہمارا دھرنا جاری رہے گا۔ اور ہم اپنی احتجاج میں مزید شدت لائیں گے اور اس احتجاج کو مزید وسعت دیں گے۔