سحری اور افطاری کے اوقات میں گیس کی فراہمی کو یقینی بنائیں گے، سوئی سدرن

کوئٹہ (آن لائن) سوئی سدرن سحری اور افطار کے اوقات میں گیس کی فراہمی یقینی بنائے گا سوئی سدرن گیس اپنے معزز صارفین کو آمدِ رمضان کی مبارکباد پیش کرتا ہے ادارہ ماہِ رمضان کے دوران اپنے تمام صارفین کی سہولت کے لئے سحری اور افطاری کے تیاری کے اوقات میں گیس کی فراہمی کو یقینی بنائے گا ہر سال گیس کے ملکی ذخائر میں ہونے والی دس فیصد تک کمی کی وجہ سے سوئی سدرن گیس کے سسٹم میں گیس کی طلب اور رسد میں بھی واضح کمی موجود ہے اس لئے گیس کے بہتر پریشر کو یقینی بنانے کے لئے گیس پریشر کی پروفائلنگ کو جاری رکھا جائے گا جس کے اوقات صبح نو بجے سے دوپہر ساڑھے تین بجے تک ہونگے، جبکہ رات کے اوقات میں یہ پروفائلنگ رات دس بجے سے رات تین بجے تک کی جائے گی ۔ گیس کی فراہمی درج ذیل شیڈول کے مطابق ہوگی۔ گیس کی بندش کے اوقات صبح 09:00 بجے سے دوپہر 3:30 بجے تک گیس کی دستیابی کے اوقات دوپہر 3:30 بجے سے رات 10:00 بجے تک گیس کی بندش کے اوقات رات 10:00بجے سے رات 03:00 بجے تک گیس کی دستیابی کے اوقات رات 03:00 بجے سے صبح 09:00 بجے تک واضح رہے کہ ان اوقاتِ کار کا تعین ماہِ رمضان میں سحری اور افطار کے لئے کھانا پکانے کی تیاری کے تناظر میں کیا گیا ہے۔