روز انہ کی بنیاد پر سڑکیں بند ہونے سے عام آدمی متاثر، حکومت کب تک صبر کا مظاہرہ کرے؟ سرفراز بگٹی
کوئٹہ (آن لائن) وزیر اعلی بلوچستان سرفراز بگٹی نے کہا ہے کہ بلوچستان سمیت ملک بھر میں انتشار مسلح جھتوں کی وجہ سے ہے باہر بیٹھے لوگ سوشل میڈیا کے ذریعے منفی پروپیگنڈا کررہے ہیں بشر زیب جیسے لوگ خواتین کو ڈھال بناتے ہیں روز کی بنیاد پر سڑکیں بند ہونے سے عام آدمی متاثر ہورہا ہے۔ برداشت کی بھی حد ہوتی ہے حکومت کب تک صبر کا مظاہرہ کرے کوئٹہ میں لوکل گورنمنٹ ایسوسی ایشن کے زیر اہتمام کانفرنس سے خطاب کرتے ہوئے وزیر اعلی بلوچستان سرفراز بگٹی نے کہا کہ پاکستان کی بہادر افواج نے اج کے دن ملک دشمنوں کے عزائم ناکام بناتے ہوئے ان کو بھر پور جواب دیا تھا ملک میں انتشار مسلح جھتوں کی وجہ سے ہے اور بلوچستان میں انتشار اور بدامنی کا ماحول نیا نہیں ملک سے باھربیٹھے لوگ سوشل میڈیا کے زریعے منفی پروپیگنڈا کررہے ہیں بشر زیب جیسے لوگ خواتین کو ڈھال بنارہے ہیں صوبے کے مختلف علاقوں میں روز کی بنیاد پر سڑک بند ہونے سے لوگ مشکلات میں گر رہے ہیں برداشت کی بھی ایک حد ہوتی ہے حکومت کب تک صبر کا مظاہرہ کرے احتجاج کا حق مانگنے والے ریاست کے اختیار کو بھی جانے وزیر اعلی بلوچستان کا کہنا تھا کہ صوبائی حکومت مقامی حکومتوں کے مسائل حل کرنے کے لیے پرعزم ہے ایوان میں بیٹھے لوگوں کا اصل کام عوام کے لیے قانون سازی کرنا ہے اختیارات کی نچلی سطح پر منتقلی کا کھٹن کام مکمل ہونے میں وقت لگے گا کیونکہ گزشتہ چالیس سالوں سے مقامی حکومتوں کو اختیارات منتقل نہیں ہوسکے صوبے میں تیرہ لاکھ سے زائد بچے اسکولوں سے باھر ہیں مقامی حکومتوں کے نظام کے زریعے تعلیم کی سو فیصد سہولیات کا خواب شرمندہ تعبیر ہوسکتا ہے لیکن ادھے پاکستان کے لیے صرف دو سو ارب روپے کا ترقیاتی بجٹ ہے اسی فیصد بجٹ تنخواہوں کی ادائیگی اور غیر ترقیاتی اخراجات کی مد میں چلا جاتا ہے مقامی حکومتوں کی تمام ضروریات کو پورا کرینگے لیکن فنڈز کی نگرانی بھی تھرڈ پارٹی سے کرایں گے انہوں نے بلدیاتی نمائندوں کو باقاعدہ تنخواہ دینے کا اعلان بھی کیا اس موقع پر سپریم کورٹ بار ایسوسی ایشن کے صدر میاں روف عطا لوکل گورنمنٹ ایسوسی ایشن کے رہنماوں نے بھی خطاب کیا۔
