ماورائے آئین گرفتاریوں سے صوبے کے حالات مزید خراب ہوں گے ، بلوچستان بار کونسل
کوئٹہ (آن لائن)بلوچستان بار کو نسل کے جاری ایک بیان میں سریاب میں پولیس کی جانب سے ایک بار پھر طاقت کا استعمال گزشتہ دنوں کے فائرنگ اور تشدد ہلاکتوں کے بعد ایک بار پھر سحری کے وقت میں پولیس فورس کا پر امن دھرنے پر فائرنگ اور ڈاکٹر ماورنگ بلوچ سمیت متعدد خواتین کی گرفتاری کی شدید الفاظ میں مذمت کرتے ہوئے کہا کہ موجودہ صوبائی حکومت عوام کی جان ومال کے تحفظ میں مکمل طور پر ناکام ہو چکی ہے بلوچستان میں ماورائے آئین گرفتاریوں سے بلوچستان کے حالات مزید خراب ہوں گے پر امن احتجاج کو بزور طاقت کا استعمال کرنا قابل مذمت ہے بیان میں کہا کہ موجودہ حکومت مکمل طور پر ناکام ہو چکی ہے بلوچستان میں کرپشن لوٹ کھسوٹ کا نظام ہے بیڈ گورننس کی وجہ سے بلوچستان کے حالات روز بروز ابتر ہوتے جارہے ہیں بیان میں کہا کہ پاکستان ایک جمہوری ملک ہے پر امن احتجاج ریلی ہر شہری کا بنیادی حق ہے گزشتہ دنوں سریاب کے پر امن احتجاج پر طاقت کا استعمال بے گناہوں لوگوں کو شہید کرنا قابل مذمت ہے بلوچستان بار کو نسل صاحب اختیار سے مطالبہ کرتا ہے کہ وہ بلوچستان کے بگڑتے ہوئے صورتحال کا فوری موثر پر امن حل نکالے ڈاکٹر ماہر نگ بلوچ سمیت تمام گرفتار خواتین بچوں طلباکو رہا کرے۔
