شمالی چین کے صوبے میں نرسنگ ہوم میں آگ لگنے سے 20 افراد ہلاک

کراچی (مانیٹرنگ ڈیسک) شمالی چین کے صوبہ ہیبی میں ایک نرسنگ ہوم میں آگ لگنے سے 20 افراد ہلاک ہوگئے۔ خبر رساں ایجنسی ’اے ایف پی‘ نے بیجنگ کی سرکاری خبر رساں ایجنسی ’شنہوا‘ کے حوالے سے بتایا کہ دارالحکومت بیجنگ سے تقریباً 180 کلومیٹر شمال مشرق میں، لونگہوا کاو¿نٹی کے نرسنگ ہوم میں مقامی وقت کے مطابق منگل کو رات 9 بجے (پاکستانی وقت 6 بجے) کے قریب آگ بھڑک اٹھی۔ رپورٹ میں کہا گیا کہ نرسنگ ہوم میں موجود دیگر بزرگ افراد کو مزید مشاہدے اور علاج کے لیے قریبی ہسپتالوں میں منتقل کردیا گیا ہے، جبکہ آگ لگنے کی وجہ تحقیقات کی جا رہی ہے۔