بلوچستان حکومت کا لیویز کے زیرانتظام علاقوں کو اے ایریاز میں تبدیل کرنے کا فیصلہ
کوئٹہ (صباح نیوز) بلوچستان حکومت نے صوبے کے تمام اضلاع میں لیویز کے زیرانتظام بی ایریاز کو اے ایریا میں تبدیل کرنے کے منصوبے پر کام کا ا?غاز کردیا ، محکمہ داخلہ نے اخراجات، درکار اسلحہ وسائل کی تفصیلی رپورٹ طلب کرلی۔محکمہ داخلہ بلوچستان کی جانب سے ا?ئی جی پولیس بلوچستان کو لکھے گئے مراسلے میں وزیراعلیٰ بلوچستان کی ہدایت پر صوبے کے تمام اضلاع میں لیویز کے زیر انتظام بی ایریا کو پولیس کے زیر انتظام لانے کے لئے تفصیلات طلب کرلی ہیں۔مراسلے میں کہا گیا ہے کہ ا?ئی جی پولیس اس حوالے سے تفصیلی پلان اور تبدیلی کے لئے درکار وقت کے حوالے سے تفصیلات فراہم کریں ، مراسلے میں بی ایریا کو اے ایریا میں تبدیل کرنے کے مالی اثرات و اخراجات، درکار اسلحہ ، ٹیکنالوجی سمیت دیگر ضروری تفصیلات بھی طلب کی گئی ہیں۔ا?ئی جی پولیس کو ہدایت کی گئی ہے کہ وہ جلد از جلد اس حوالے سے رپورٹ مرتب کر کے جمع کروائیں۔
