غیر حاضری پر عدالت برہم، علی امین گنڈا پور کو گرفتار کرکے پیش کرنے کا حکم
اسلام آباد (ویب ڈیسک) ڈسٹرکٹ اینڈ سیشن کورٹس اسلام آباد نے سابق وزیراعلیٰ خیبر پختونخوا اور پی ٹی آئی رہنما علی امین گنڈاپور کو گرفتار کر کے عدالت میں پیش کرنے کا حکم دے دیا ہے۔ یہ حکم جوڈیشل مجسٹریٹ مبشر حسن چشتی نے شراب و اسلحہ برآمدگی کیس کی سماعت کے دوران جاری کیا۔ سماعت میں علی امین گنڈاپور اور ان کے وکیل راجہ ظہور الحسن پیش نہیں ہوئے۔ عدالت نے ملزم کی مسلسل غیر حاضری پر برہمی کا اظہار کرتے ہوئے وارنٹ گرفتاری جاری کر دیے۔ جج نے حکم دیا کہ علی امین گنڈاپور کو گرفتار کر کے اگلی سماعت پر عدالت میں پیش کیا جائے۔ کیس کی سماعت اب 11 نومبر 2025 تک ملتوی کر دی گئی ہے۔
Load/Hide Comments
