ریکوڈک منصوبے کیلئے نوکنڈی سے سبی تک ٹریک اپ گریڈ کیا جائیگا، محکمہ ریلوے

کوئٹہ (ویب ڈیسک) ریکوڈک منصوبے کیلئے محکمہ ریلوے کا نوکنڈی سے سبی تک ریلوے ٹریک اپ گریڈ کرنیکا فیصلہ۔ ریکوڈک منصوبے کی اہمیت کو مدنظر رکھتے ہوئے محکمہ ریلویز نے نوکنڈی بلوچستان سے سبی تک 600 کلومیٹر ریلوے ٹریک کو اپ گریڈ کرنے کا فیصلہ کرلیا۔ ڈویژنل سپرٹنڈنٹ ریلویز عمران حیات خان نے بتایا کہ ریلوے لائن بیرون ممالک سے منگوائی جائے گی۔ انہوں نے بتایا کہ ٹریک اپ گریڈیشن کا کام آئندہ برس فروری میں شروع ہوگا۔ 360 ملین ڈالر کے اخراجات آئیں گے۔ عمران حیات خان کا کہنا تھا کہ منصوبہ تین سال کی مدت میں مکمل کیا جائے گا۔