وفاقی اداروں میں گریڈ 1سے 15تک کی بھرتیاں فیڈرل سروس کمیشن کے ذریعے کروانے کا فیصلہ

اسلام آباد;کابینہ سیکرٹریٹ کی ذیلی کا وفاقی اداروں میں گریڈ 1سے 15تک کی بھرتیاں فیڈرل سروس کمیشن کے ذریعے کروانے کا فیصلہ کرلیا گیا ۔ بد ھ کو کابینہ سیکرٹریٹ کی ذیلی کمیٹی کا اختتامی اجلاس کنوینر رانا ارادت شریف کی صدارت میں پارلیمنٹ ہاؤس میں منعقد ہوا۔ اجلاس میں اسٹیبلشمنٹ ڈویژن،فیڈرل سروس کمیشن، ایس ای سی پی اور این ٹی ایس کے اعلیٰ افسران نے شرکت کی۔کمیٹی نے اپنی سفارشات کو حتمی شکل دی۔ کمیٹی نے سفارش کی کہ سرکاری محکموں میں بھرتیوں کے لیے ابتدائی سکریننگ ایف پی ایس سی کو تفویض کی جائے۔ ایف پی ایس سی کی اس ضمن میں استعداد کار کو بڑھانے کیلئے بجٹ دیا جائے۔ ذیلی کمیٹی کے ذمہ کے پی کے میں این ٹی ایس کے پرچہ لیک ہونے کے معاملے کو ایف آئی اے کو مذید تفتیش کی سفارش کی۔ ایس ای سی پی کو این ٹی ایس کے کے سرکاری یا پرائیوٹ ہونے کا تعین کرنے کی بھی سفارش کی۔فیڈرل سروس کمیشن کی اعلیٰ حکام نے کمیٹی کو وفاقی اداروں میں گریڈ 1سے 15تک کی بھرتیوں سے متعلق تفصیلات اور ایف پی ایس سی کی استعداد کار سے متعلق آگاہ کیا۔ کمیٹی نے متفقہ طور پر فیصلہ کیا کہ وفاقی اداروں میں گریڈ 1سے 15تک کی بھرتیاں فیڈرل سروس کمیشن کے ذریعے کی جائیں۔