بلوچستان میں کورونا وائرس کے نئے کیسز میں کمی کا رحجان برقرار ،22نئے مریض سامنے آگئے

کوئٹہ:بلوچستان میں کورونا وائرس کے نئے کیسز میں کمی کا رحجان برقرار ، چوبیس گھنٹوں کے دوران کورونا کے22نئے مریض سامنے اگئے جبکہ کورونا کے شکار32مریض صحت یاب ہوگئے صوبے میں ایکٹو کیسز کی تعداد صرف 185رہ گئی ۔محکمہ صحت بلوچستان کے جاری رپورٹ کے مطابق بدھ کے روزصوبے میں 859افراد کے کورونا ٹیسٹ کئے گئے ان ٹیسٹ کے نتیجے میں صوبے کے 3اضلاع سے22نئے کیسز سامنے آگئے جس کے بعد صوبے میں ابتک کورونا وائرس سے متاثر ہونے والوں کی مجموعی تعداد 15 ہزار599ہوگئی۔ رپورٹ کے مطابق چوبیس گھنٹوں کے دوران کورونا میں مبتلا 32مریضوں کے صحت یاب ہونے کے بعدصوبے میں صحت یاب ہونے والوں کی تعداد 15ہزار268ہوگئی ، صوبے میں کورونا کے ایکٹو مریضوں کی تعداد185رہ گئی ہے جبکہ 282افراد کے کورونا ٹیسٹ کے نتائج آنا ابھی باقی ہیں۔ محکمہ صحت کے مطابق صوبے میں کوروناوائرس کے باعث انتقال کرجانے والے افراد کی تعداد146 ہے محکمہ صحت کی رپورٹ کے مطابق صوبے کے تعلیمی اداروں میں اب تک 8705افراد کے کورونا ٹیسٹ کئے گئے ہیں ،جن میں سے 606افراد میں کورونا وائرس کی تصدیق ہوگئی ہے۔
٭٭٭٭