پنجاب کی میڈیکل جامعات میں بلوچستان کی مختص نشستوں میں کمی باعث تشویش ہے، بی ای سی بہاولپور
بلوچ ایجوکیشنل کونسل بہاولپور کے ترجمان نے اپنے جاری کردہ ایک بیان میں شدید تشویش کا اظہار کرتے ہوئے کہا کہ بلوچستان کے محرومیوں کو مدنظر رکھتے ہوئے حکومت نے بلوچستان کے طلباء کےلئے قائداعظم میڈیکل کالج بہاولپور سمیت پنجاب کے دیگر مختلف میڈیکل جامعات اور کالجوں میں چند نشستیں مختص کئے تھے لیکن اب پاکستان میڈیکل کمیشن کے نئے پالیسی کے تحت بلوچستان کی نشستیں کم کرکے جبکہ ٹاپ میرٹ والے جامعات سے ختم کرکے کم میرٹ والے جامعات میں منتقل کئے ہیں جو بلوچستان اور فاٹا جیسے پسماندہ علاقوں کے طلباءَ کو معیاری تعلیم سے دور رکھنے کے مترادف ہے۔ انہوں نے کہا کہ میڈیکل جامعات میں مختص نشستوں کا خاتمہ اور کم میرٹ والے کالجوں میں منتقلی نہایت ہی تشویشناک ہے اور یہ بلوچستان کے طلباء کے ساتھ ناانصافی ہے۔ اُن کا کہنا تھا کہ مذکورہ پالیسی کسی بھی صورت قابل قبول نہیں ہے اِس طرح کے ہتھکنڈے تعلیم دشمن پالیسیوں کے ضمرے میں آتے ہیں۔ ہم اعلیٰ حکام اور پاکستان میڈیکل کمیشن سے درخواست کرتے ہیں کہ مزکورہ پالیسی کو منسوخ کرکے گزشتہ پالیسی کو جلدازجلد بحال کریں تاکہ طلباء کا تعلیمی سال ضائع نہ ہو۔
