عمران خان بالکل صحت مند ہیں، طبی معائنے کیلئے اسپتال لایا گیا تھا، وفاقی وزیر اطلاعات

اسلام آباد (ویب ڈیسک) وفاقی وزیر اطلاعات عطا تارڑ نے سرکاری ٹی وی سے گفتگو کرتے ہوئے کہا کہ گزشتہ ہفتے آنکھوں کے طبی ماہرین نے اڈیالہ میں عمران خان کا معائنہ کیا، ماہرین کی سفارش پر انہیں پمز لے جایا گیا جہاں ان کی آنکھوں کا معائنہ کیا گیا اور یہ کارروائی 20 منٹ تک تھی۔ انہوں نے بتایا کہ معمول کی طبی کارروائی کے بعد عمران خان کو ضروری ہدایات کے ساتھ پھر اڈیالہ منتقل کردیا گیا۔ عطا تارڑ کا کہنا تھا کہ دوران طبی کارروائی وہ بالکل مستحکم تھے اور عمران خان بالکل صحت مند ہیں۔ انہوں نے مزید کہا کہ تمام قیدیوں کو ڈاکٹر تک رسائی دی جاتی ہے اور یہ رولز کے مطابق ہیں لہٰذا عمران خان بالکل صحت مند ہیں۔