ایرانی بندرگاہوں سے افغانستان تک اشیائے ضروریہ کی نقل و حرکت نئی ریکارڈ سطح پر پہنچ گئی

کابل (مانیٹرنگ ڈیسک) افغانستان کے لیے ایرانی بندرگاہوں پر ٹرکوں کی لوڈنگ میں 53 فیصد اضافہ، کابل میں ایران کے سفارتخانے کا کہنا ہے کہ ایرانی بندرگاہوں سے افغانستان تک اشیائے ضروریہ کی نقل و حرکت ایک نئی ریکارڈ سطح پر پہنچ گئی ہے۔ ایک بیان میں، سفارت خانے نے ایران کے پہلے نائب صدر محمد رضا عارف کے حوالے سے کہا کہ ملک کی بندرگاہوں سے افغانستان کو ضروری سامان کی مختص اور منتقلی میں نمایاں اضافہ ہوا ہے۔ بیان میں ایران کے سڑکوں اور شہری ترقی کے وزیر فرزانہ صادق کا بھی حوالہ دیا گیا، جنہوں نے کہا کہ ایرانی بندرگاہوں پر مال بردار ٹرکوں کی لوڈنگ ملک میں حالیہ تنازعات سے پہلے کی مدت کے مقابلے میں 53 فیصد بڑھ گئی ہے