کیسکو کی نا اہلی سے اربوں روپے کا نقصان ہوا، شفیق مینگل
خضدار(نمائندہ انتخاب)جھالاوان عوامی پینل کے سربرا میر شفیق الرحمن مینگل نے کہاہے کہ محکمہ کیسکو کی نااہلی سے بلوچستان کا ہرشخص مشکلات سے دوچار ہیں،پچھلے سال وزیراعظم کی جانب سے 9ارب روپے کیسکو کو ادا کئے گئے لیکن ایک بار پھر صوبے کے عوام بالخصوص زمینداروں پر بجلی بند کردی گئی ہے جس سے زمینداروں کو اربوں روپے کانقصان ہواہے،زمینداروں کے جائز مطالبات فوری طورپر حل کئے جائیں۔ محکمہ کیسکو کی نااہلی کی وجہ سے عوام اور زمینداروں کو مشکلات کاسامناہے،وزیراعظم کی جانب سے پچھلے سال 9ارب روپے کی رقم ملنے کے باوجود بلوچستان میں لوڈشیڈنگ جاری ہے انہوں نے کہاکہ بحیثیت زمیندار بلوچستان کے زمینداروں کو درپیش مسائل کے حل کیلئے اقدامات کی ضرورت ہے۔بلوچستان میں لوگوں کی زندگی کا دارومدار زراعت کے شعبے سے وابستہ ہے۔محکمہ کیسکو کی لاپرواہی سے آج بلوچستان میں زراعت کا شعبہ تباہی کے دہانے پر ہے،انہوں نے کہاکہ بلوچستان کے زمینداروں کے مسائل کے حل کیلئے اقدامات اٹھائے جائیں تاکہ سیزن میں زمینداروں کو ہونے والے نقصانات سے بچا جاسکے۔
